Radiator qızmır? Səbəblər və sadə həll yolları

Qışın ortasında ev soyuq qalır, amma kombi işləyir? Radiatorların qızmaması demək olar ki, hər evdə azı bir dəfə baş verən problemdir.Əslində bu, çox vaxt ciddi nasazlıq deyil — sadəcə istilik sistemində kiçik bir maneə var.Bu yazıda “radiator qızmaması” probleminin səbəblərini və evdə özünüz nə edə biləcəyinizi sadə dillə izah edəcəyik.

Radiator niyə qızmır? Ən çox rast gəlinən səbəblər

Radiatorun qızmaması bir neçə texniki səbəbdən qaynaqlana bilər. Əksəriyyəti sistemdə hava qalması, tıxanma və ya kombi təzyiqi ilə bağlı olur.

Sistemdə hava yığılması

Ən çox rast gəlinən səbəb budur. Radiatorun içində hava qalır və isti su dövr edə bilmir.Nəticədə radiatorun altı isti olur, üstü isə soyuq qalır.Bu halda sadəcə radiatorun havasını almaq kifayətdir:

• Radiatorun yanındakı kiçik klapanı bir vintaçan və ya xüsusi açarla yavaşca açın.

• İçəridəki hava çıxana qədər gözləyin. Hava çıxanda su damcılayacaq – bu, normaldır.

• Sonra klapanı bağlayın.

Bu əməliyyatdan sonra çox vaxt radiator yenidən qızmağa başlayır

Radiator və filtr tıxanıb

Zamanla radiatorların içində pas, kir və ərp toplanır. Bu, suyun rahat dövr etməsinə mane olur.Nəticədə bəzi radiatorlar qızır, bəziləri isə tamamilə soyuq qalır.

Həmçinin kombi sistemindəki tor filtr də tıxana bilər. Bu filtr suyun içindəki xırda zibilləri tutur. Tıxananda su axını zəifləyir və istilik paylanması pozulur.Bu hallarda radiator yuyulması lazımdır. Bu, xüsusi aparat və kimyəvi məhlullarla edilən peşəkar xidmətdir.Yəni bu vəziyyətdə kombi ustası çağırmaq ən doğru addımdır.

Kombi su təzyiqi aşağıdır

Kombi sistemində su təzyiqi azaldıqda, isti su radiatorlara getmir.Paneldəki manometrə bax — orada “0.5 bar” və ya daha az görsənirsə, deməli təzyiq azdır.Necə həll etməli?:

• Kombinin altında “su doldurma klapanı” olur, onu yavaşca aç.

• Təzyiqi 1.2 – 1.5 bar aralığına çatdır.

• Sonra klapanı bağla və kombini yenidən işə sal.

Bu, çox vaxt problemi aradan qaldırır və radiatorlar normal şəkildə istiləşməyə başlayır.

Dövriyyə nasosu işləmir

Əgər uzaqdakı radiatorlar soyuq, amma kombiyə yaxın olanlar isti qalırsa, bu, çox güman ki, nasos problemi deməkdir.Dövriyyə nasosu kombidə suyun hərəkətini təmin edir.Nasos sıradan çıxanda su dövr etmir və istilik paylanmır.Bu, artıq peşəkar müdaxilə tələb edən bir məsələdir.Yəni bu mərhələdə usta çağırmaq lazımdır — özbaşına nasosa müdaxilə etmək təhlükəlidir.

Ustaya zəng etməzdən əvvəl özünüz nələri yoxlaya bilərsiniz

Radiator qızmadıqda dərhal narahat olmağa dəyməz. Əvvəlcə aşağıdakı 4 sadə addımı yoxlayın:

1. 🔧 Radiatorun havasını alın – üst hissəsi soyuq qalırsa, bu addım çox vaxt problemi həll edir.

2. 💧 Kombinin su təzyiqinə baxın – göstərici 1 bar-dan azdırsa, sistemə su əlavə edin.

3. 🔄 Radiator klapanlarını yoxlayın – giriş və çıxış vanaları tam açıq olmalıdır.

4. 🔥 Kombi normal işləyir? – cihazın ekranında səhv kodu (“error”) varsa, təlimata baxın və ya ustaya bildirin.

Bu addımlardan sonra çox vaxt radiatorlar yenidən istiləşir

Radiator problemi nə vaxt usta tələb edir?

Əgər bu sadə yoxlamalardan sonra radiatorlar hələ də qızmırsa, artıq iş peşəkarın işidir.Aşağıdakı hallarda kombi ustası çağırmaq vacibdir:

• Radiatorlar tez-tez hava ilə dolur.

• Kombi təzyiqi tez-tez düşür (tez-tez su əlavə edirsiniz).

• Radiatorların altı daim soyuq qalır.

• Kombi səs çıxarır və ya sönür.

Bu hallar kombi təmizlənməsi, radiator yuyulması və ya kombi təmiri ehtiyacını göstərir. Usta xüsusi avadanlıqla sistemi yuyur, tıxanmaları açır və istilik balansını bərpa edir

Radiatorların gələcəkdə qızmaması üçün nələr etmək olar?

Bu problem təkrar yaşanmasın deyə, aşağıdakı məsləhətlərə əməl edin:

• İldə bir dəfə kombi baxımı etdirin. Kombi təmizlənməsi və texniki servis radiatorların daha səmərəli işləməsini təmin edir.

• Hər ay təzyiqi yoxlayın. Optimal təzyiq 1–2 bar arası olmalıdır.

• Radiator havasını nəzarətdə saxlayın. Əgər yuxarı hissə soyuq qalırsa, dərhal havasını alın.

• 2 ildən bir radiator yuyulması etdirin. Bu, sistemin içindəki pas və kirin qarşısını alır.

• Kombini tam söndürməyin. Yayda belə ayda bir dəfə kombini 5-10 dəqiqə işlədin ki, nasos tutulmasın.

Bu sadə qaydalara əməl etsəniz, “radiator qızmır” problemi demək olar ki, sizi tapmayacaq.

Nəticə

Radiatorlar evin istilik sisteminin əsas hissəsidir. Onların düzgün işləməməsi həm rahatlığınızı pozur, həm də kombiyə əlavə yük salır.Əgər radiator qızmır, kombi səs çıxarır və ya su təzyiqi tez düşürsə, artıq vaxt itirməyin.

E-Service peşəkar komandası olaraq biz kombi təmizlənməsi, radiator yuyulması, kombi təmiri və texniki baxım xidmətlərini operativ şəkildə həyata keçiririk.Məqsədimiz – evinizi yenidən istiliyə qovuşdurmaq və sistemi uzunömürlü saxlamaqdır.

 Elə indi bizimlə əlaqə saxlayın!Eviniz soyuq qalmasın, kombiniz rahat işləsin. Peşəkar radiator təmiri və kombi servisi ilə qışda istiliyinizi biz qoruyuruq.